জীৱন নাটক

পুলকেশ বৰা

এখন লক্ষ্যহীন, অৰ্থহীন নাটকৰ আমি
বেপেৰুৱা চৰিত্রৰ নায়ক।
আমাৰ নাই কোনো দায়বদ্ধতা,
কৃতিম অন্তৰ লৈ আনিছো বিভেদ৷
সমাজক দিছো জটিলতা,
স্বাৰ্থপৰতা, সংকীৰ্ণতা।
আৰু আমিয়েই এই আমোদি চৰিত্ৰৰ মূল নায়ক হৈ,
সমাজক কৰিছো বিশ্বাসঘাটকতা।
এনেকৈয়ে-এনেকৈয়ে......
পুৰণিক পিঠি দি, অপ-সংস্কৃতিক আসৈ দি,
অন্ধ অনুকৰণেৰে আজি আমি ভাৰাক্ৰান্ত৷
ভাৰাক্ৰান্ত এখন লক্ষ্যহীন, অৰ্থহীন নাটকৰ
জৰাগ্রস্থ চৰিত্রত৷৷